تضمنت كلمة النائبة نجاة عون صليبا في المجلس النيابي اليوم في مسألة "الجلسة التشريعية اللا دستورية" التالي:

"نحنا عم نتعامل مع سلطة عدوة شعبها. نحنا عم نتعامل مع نواب امتهنوا الابتزاز. نحنا عم نتعامل مع نواب عم يستغلوا الناس عند كل استحقاق. الانتخابات البلدية والاختيارية والانتخابات الرئاسية عندا موعد محدد ومعروف تاريخ الاستحقاق. بينتظروا لتاخر ١٠ ايام وبيندهشوا "يي صار لازم نعجل في انتخابات وبصيروا ناطريننا حتى نندهش متلن. وبيصيروا يبرروا ما فينا لانو ما نقدر نعمل اخراج قيد وما في اوراق وكل هيدا تبرير فشل وعجز وتشريع الفراغ.

هولي نواب الدهشة 
 هولي نواب تشريح الفراغ
 هولي نواب على الناس مش مع الناس 
انتخابات البلدية فش من شأن النواب. هي من شغل الحكومة قعدوا -٢- حاكمين البلد على فنجانه قهوة وقرروا متل ما عملو بالساعة انو الحكومة ما تعمل شغلها وتأمن مصاري وتتأخر عن الاعلان  والمجلس بيعمل هيدي المسرحية .
والاكثر من هيك  زادوا على جدول الاعمال تعديل قانون الشراء العام هيك بكونو امنو  استمرارية زلمن وعطيون غطاء قانوني بعدم  المحاسبة 
اليوم نحروا الدمقراطية لانو منعوا تبادل السلطة 
اليوم نحروا الدمقراطية لانو ما حترموا المهل الدستورية 
اليوم نحروا الدمقراطية لانو ما حترموا القانون والدستور 
اليوم نحروا الدمقراطية لانو حولو لبنان لدكتاتورية 
اليوم نحروا  الدمقراطية لانو صادروا صوت الناس
اليوم اكدوا انو هيدي الدولة عدوة شعبها
ما لازم نسكت وما رح نسكت 
من قعدتنا بلبرلمان يلي صاروا ١٠٠ يوم تقريباً مندعي الناس بلبنان وبلعالم وكل واحد معني بحقوق الانسان تندافع عن حقوقنا 
حقوق مقدسة ونحنا وما حدا غيرنا رح يسترجعها."